A ruta do Curro de Candaoso parte dunha pista asfaltada que sae da carretera que vai ó Valadouro por Chavín, á altura de San Andrés de Boimente. A pista que leva a Castiñeiras debemos deixala no primeiro cruce e tomar á dereita pico arriba, onde ó pasar a última casa xa é de terra. Adentrámonos alí na Fraga do Buio, e ascendemos á carón dun regato cheo de musgo e felgos que fan o camiño moi interesante. Saímos da fraga e chegamos á zona onde se celebra a Rapa das Bestas. Alí vamos atopar un pequeno monolito en memoria de Enrique Fdez Llano, que tanto fixo por este lugar. Collemos a pista á esquerda, e logo de camiñar trescentos metros chegamos á final, no que nos atopamos o curro de Candaoso, onde rapan o gando.